1000 visiteùrs pr la muntre de boune annàie pi jhoyouses fàetes de Nàu en parlanjhes de France

Boune annàie den lés parlanjhes de France1000 visiteùrs en décenbre-jhanvié pr la muntre de Boune annàie pi jhoyouses fàetes de Nàu en parlanjhes de France pi en cuntes, chançuns, films…

Ine éspousiciun féte pr M. pi Mme Giraud a Busserole-La Valàie (Buxerolles-La Vallée) pr le pllési daus grands pi daus petits. Te marches ac ine copine den çhés valàies séches de Busserole, pi te velat arive a La Vallée, in petit vilajhe de vér Poetàe, su la petite route çhi mene aus cinémas. Pi la te t’araetes : pa poussiblle ! Te te frotes lés ells, ol ét ine avisiun, que te te dis: ba nun! Ol ét daus disaenes pi daus disaenes de vraes papotes, é pa daus petites, daus grandes papotes, oumes pi fames den leùs beas vétis tradiciounàus, çhi te desant ine jhoyouse Nàu pi la boune annàie den touts lés parlanjhes de France oube casiment… Trop bea!!! Pi daus pancardes pr te dire de rentràe den la cour pr o vere de pu pràe, ine crche pi in pére La Nàu, é in petit routin ac lés challs dau Petit Poucet a prenre pr arivàe a Meunier te dors, La mére Michel, Le roe Dagobert, Le Petit Chaperun Roujhe pi lés àutres « cuntes de Perrault », lés lapins Crétins, pi lés Mignons, Aladin, Alice au Péyis daus mrvélles, etc. Daus papotes ac daus vétis trtouts de fasi…

A vere oube a revere en décenbre 2016, avéc petétre daus prsounajhes de la çhulture populaere dau Poetou.

A écoutàe : interview de M. Mme Giraud lés 5-7 de fevràe, den Ol ét le moument en diréc ou su le marea apràe le 5 de fevràe (vere Radio).

Muntre-Buxerolles4

Laisser un commentaire