Le parlanjhe en chançun : Brut dau Loubatàe (Manzer)

Çhéte chançun, écrite pi chantàie pr Frédéric Sescheboeuf ac la grouàie de metal Manzer, seyit jhouàie pr zeùs a la Journée internationale de la langue maternelle a Sain- Jean-d’Angély, le 29 de fevràe de 2016. Pr o z-écoutàe (ol ét la 4e chançun de çhau cuncért, en acoustique) :

Dose loucs étiant agrouais
A la funt pr s’abrvàe,
L’écagnant a daus cilàies
Fidéles coume daus chéns drçais.

Liséte, Bateùr, Buréle, Perot, Lunéte…
Brut dau Loubatàe.
Brut dau Loubatàe.

Pr dau pén in brlandàe
Pét se fàere aquevallàe,
Mé sen cheùre den la fouràet
Bedun le serat droujhai.

A la roussine, le sorçàe croumi fét feùtàe au proche d’in marchae.
Les loucs menjhant daus bàetes de la férme, bé lén daus chaçours aghinais.

Den la pllate dau passajhàe,
La rivére ét travrsàie,
La grouàie dét s’entornàe,
Le jhor vat bétout picàe.

Liséte, Bateùr, Buréle, Perot, Lunéte…
Brut dau Loubatàe.
Brut dau Loubatàe.

La neùt s’enpllit d’élls aviais
Coume daus chandéles afllanbàies…

étiant agrouais: étiant ensenblle

écagnant: obéyissant

cilàies: brut qu’o fét quant o cile

loubatàe: çhau-la-la çhi mene lés loucs

brlandàe: çhéqu’in çhi se proumene

aquevallàe: alàe avéc

étre droujhai: étre menjhai

roussine: quant o fét nér

croumi: faticai

feùtàe: atisàe le feù

marchae: doue, noue

aghinais: faticais

pllate: barque

aviais: çhi lusant queme le feù

A vous! Pr o redire autrment, tot le tenp en parlanjhe:

  • Dose (12) loucs étiant agrouais…
    • Continuer en mettant tous les verbes à l’imparfait: l’écagnant… le pét… le serat droujhai… La rivére ét travrsàie… La grouàie dét s’entornàe… la neùt s’enpllit…
    • Dose loucs serant agrouais…
      Continuer en mettant tous les verbes au futur.
    • l’écagnirant…
      Continuer en mettant tous les verbes au passé-simple
  • La nét s’enpllit d’élls aviais coume daus chandéles afllanbàies.
    Chanjhéz ou: La nét s’enpllit d’élls varts coume…; d’élls rojhes coume…

Laisser un commentaire