Daus produts réjhiounàus qui fesant vivàe le parlanjhe

Menjhàe daus fasis d’içhaulun, en vela ine boune afaere. Mé quant çhés fasis avant in num en parlanjhe, ol ét core meù !

Seguéz me dun, i alun menjhàe in morcea de P’tit dau brète pi bére ine vérinàie de Févraïe !

3-La Musse_bièresEn Vendàie, a la « ferme­-brasserie » La Muette a Bazoges-­en-­Pareds, Maxime Tripoteau fabrique dépeùs mae de 2 ans de la bére den lés téts de la férme de la famelle (férme d’afiajhe é gréns). Çhéle bére, le choesit de la noumàe La Musse, raport a la muce (le passajhe den ine palisse), mé étou raport au maelenjhe de La Muette (le num de la férme) pi de mousse !

L’at quemençai avéc 4 éstaméles de béres : ine bllunde, ine bllanche, ine anbraie pi ine éspéciale avéc béréde d’oumlun. Asteùre, l’en fét d’àutres. Ol en at maeme 2 qui se noumant Métive. Sun travall ét déjha récunpensàe : l’at oghu 2 pris a la cuncourerie jhénérale agricole de 2015 pi 4 pris a çhéle­la de 2016.

3-La-MusseO fàut savoer que dépeùs 2015, le ramasse sa ballarjhe (qui dounerat le malt) a la férme é l’avisoune d’afiàe étou l’oumlun pr qu’o séjhe daus béres 100% d’içhaulun.

http://www.brasserie-­la-­muette.fr

 

3-Rochebuffère_CaborneTrjhou en Vendàie, mé a Rosnay au Domaine de Rochebuffère, o se fét in boerajhe mae queneùssu içhaulun : dau vin.

Alain et Anne-­Christine Chauveau avant quemençai leù oçhupaciun de vigneruns en 2004 den le vilajhe de l’Auderie, apràe avoer travallai pendant mae d’ine annàie den d’àutres réjhiuns raport au vin.

Le fesant daus vins de l’apélaciun Fiefs Vendéens ­ Mareuil é l’avant décidai de maelàe le parlanjhe a leù produciun.

De fét, l’avant dounai daus nums en parlanjhe a çheùques ins de leùs vins ! :

  • in vin rojhe noumai Caborne
  • ­ in àutre vin rojhe noumai Févraïe (voure qu’ol at dau ragoutant, num d’içhaulun dau cépajhe négrette)
  • ­ in vin bllan brticllant noumai Agralant vin blanc à bulles

http://www.rochebuffere.com/Viticulture­de­vendee.html

 

3-petit-dau-bre`te-1Darnàe véyajhe : en Viane çhéte fés, dau coutai de Lussac a la Ferme de la Fayaudrie.

Çhéle férme, ol ét ine afaere de famelle dépeus 1907. Aneùt, ol ét François et Bénédicte Clerc pi leù draule Pierre-­Jean é sa fame Marie çhi s’en oçhupant.

Ol él ine férme avéc béréde de produciuns : ol at daus vaches létéres (çheùques maraechines d’içhaulun, çhés béles vaches daus maraes entr Loere é Jhirunde), daus oelles pi daus volatures (poules, péntardes, pires, canéts…). Ol ét ine férme bio dépeus 2000.

Le fasant dau frmajhe su pllace, éspéciaument Le P’tit dau brète, dau num de la vache létére brtoune en parlanjhe.

Ol at in magasin a la férme voure que tots leùs fétis sant vendus.

http://www.ferme-de-la-fayaudrie.com/

 

Vantàe bé que ve queneùsséz d’àutres fasis locàus avéc un num en parlanjhe ? É bén diséz ou !

Laisser un commentaire